Gaf (Persischer Buchstabe)

verbundeni Forme ـگ ـگـ گـ vo rächts beidsitig noch links

S Gaf isch e Büechstabe vom persische Alphabet, wo aber nit zum arabische Alphabet ghört. D'Perser hän en dezüegfiegt zum de Lut [g] darstelle, wo's im Hocharabische nit git. Mit de glyche Funktion isch s Gaf au im osmanisch-türkische Alphabet benutzt worre, wo bis 1928 Türkisch demit gschribe worre isch. S Gaf siht us wie-n-e persischs Kaf, hät aber e Strich drüber. S Gaf hät kei Zahlewärt.

In de paschtunische Schrift wird s Gaf normalerwis nit eso gschribe wie in de persische Schrift, sondern als persischs Kaf mit me Ring (ګ‎). S Gaf vo de malaiische Jawi-Schrift entspricht me arabische Kaf mit übergsetztem Punkt (ڬ).